朱慧敏：遲咗開始，好過從未開始；不良習慣，幾時都可以終止
星級愛心大使 朱慧敏小姐：可能你並冇運動嘅習慣。但係要「強身護心」，運動係不可或缺！我由細到大都好鍾意做運動。跆拳道、羽毛球、排球我都有一一涉獵！對於心臟嚟講，做運動最緊要係持之以恆，咁先可以「躍動身心」，比心臟長期處於一個健康，活潑嘅狀態。
心臟除咗需要運動，仲需要充足嘅休息。多啲食新鮮蔬菜，得閒跳下舞、曬下太陽，比身體放鬆吓，咁先能夠「強身護心」！
今年世界心臟日嘅主題「護心起動 Ready…Go」，一連串嘅活動已經開始咗啦！遲咗開始，好過從未開始！不良習慣，幾時都可以終止！仲唔快啲放低支煙，過嚟同我哋一齊做運動？記得仲要食得健康啲，三低一高零反式！ 我支持世界心臟日！
