【心之劇場 – 誤鳴的心】

好多人以為長者先會出現心臟衰竭，到時生活節奏慢啲，唔會好大影響；但其實好後生已經有機會患上心臟衰竭，好似香港心臟專科學院代表袁詩敏醫生提到影片嘅主角，啱啱先至40歲，性格好衝好急，真係「搏殺期」、「搏殺格」，唔只生活一啲都唔慢，仲曾經因為情緒過份波動，令心臟跳得太急，連除顫器都俾佢呃到「誤鳴」，連續電咗佢30-40次；幾次「誤鳴」之後佢就更加緊張，結果「誤鳴」又更嚴重，跌落惡性循環！醫療團隊一方面安排佢尋求心理治療，另一方面幫佢進行心房顫動導管消融術，雙管齊下，再配合近年嘅新式藥物，令佢病徵得以舒緩。想知道最後「急急子」有無方法解決問題？新式藥物又點樣幫到心臟衰竭病人？而家就去片睇睇啦！

*袁詩敏醫生提醒：以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。

#心臟衰竭 #性格急促 #除顫器誤鳴 #心理治療 #心房顫動導管消融術 #新式藥物 #心臟科專科醫生 #香港心臟專科學院代表 #袁詩敏醫生