嚟到「醫戰」嘅最後一集，今集嘅比賽內容將會係最刺激、最具挑戰性！兩組繼續爭鋒，甚至要「命懸一線 」？今集咁多位醫生必須喺高強度嘅環境下進行高空飛索，同時要完成一系列嘅任務，就好似心臟衰竭患者咁，每日面對種種挑戰。

其實治療心臟衰竭同樣要分秒必爭，因為呢個病未必能完全根治，患者只能透過唔同方法去減低惡化速度。治療主要包括手術同藥物兩方面，手術主要治療引致心臟衰竭嘅病因從而去改善病情，例如「通波仔」係透過打通阻塞嘅血管，去治療冠心病引起嘅心臟衰竭。藥物方面，因為心臟衰竭唔係單一問題，一般都要合併用唔同藥物，就好似呢個比賽咁，需要互相配合先可以完成任務。

如果唔想「命懸一線」，患者一定要及早開始治療，假如病情去到好嚴重先求醫，無論治療效果定存活率，都會相差好遠，就好似「潑出去嘅水」一樣，無辦法挽回，所以及早檢查及治療十分重要，希望大家一定要好好關注心臟健康，預防心臟衰竭！

精彩重溫：

第一集：心臟衰竭病徵篇 (EP1 Link)

第二集：心臟衰竭成因篇 (EP2 Link)