經過上一集一輪揮灑汗水同濕晒身嘅對決比賽之後，今集「醫戰」更加精彩，將會難度升級，挑戰刺激嘅「繩網陣」對決！過程中每一個動作都要克服重重障礙，就好似心臟衰竭患者喺面對日常挑戰時嘅掙扎同困難咁，希望透過呢個活動，令大家更加體會到心臟衰竭對患者嘅影響。

其實心臟衰竭嘅成因好多，患有冠心病、心律不正、心瓣疾病、心肌病、先天性心臟病或曾經心臟病發嘅人士都係高危一族。除此之外，一啲代謝疾病例如糖尿病都有機會引發心臟衰竭。另外高血壓、高膽固醇、吸煙、濫藥、酗酒、不健康生活習慣、甲狀腺問題、病毒感染等都係心臟衰竭嘅風險因素。要留意嘅係，好多時心臟衰竭患者都會有其他慢性病，導致腎臟、肝臟、肺部、腦部等器官都受影響，「一環扣一環」就好似繩網陣一樣咁複雜，每一樣都可能係隱藏嘅威脅！

下一集迎來終極一戰，咁多位醫生竟然要「瞓身」，甚至要「飛身」演出？究竟邊組會成為最後贏家呢？敬請期待啊！

精彩重溫：

第一集：心臟衰竭病徵篇 (EP1 Link)

#心臟衰竭 #醫戰 #心臟歷奇大對決 #香港心臟專科學院 #HKCC #梁達智醫生 #蔣志成醫生 #賴俊光醫生 #劉天樺醫生 #饒元豐醫生 #陳良貴醫生 #陳梓浩醫生 #鄭裕康醫生 #黎思華醫生 #譚廣明醫生 #梁嘉琪 #沙律 #Renee