由香港心臟專科學院籌備多時嘅「醫戰」之心臟歷奇大對決終於首播喇！節目內設有一系列競賽，由梁嘉琪擔任主持，而兩位美女隊長沙律同Renee，將會帶領十位香港心臟專科學院代表分為兩組，進行一場以心臟衰竭為主題嘅歷奇對決，透過精彩刺激嘅多場對決，喚起大家關注心臟衰竭！

其實心臟衰竭係一個好常見嘅心臟疾病，患者因心臟功能變弱而唔能夠正常泵血去身體其他器官，以致其他器官無足夠血液同養分去應付身體所需。第一集將會探討心臟衰竭嘅病徵，咁多位醫生會同隊長一齊參與「心衰體驗大挑戰」，過程中會體驗到心臟衰竭嘅病徵。

喺對決過程可以睇到，面對心臟衰竭模擬病徵時，各位醫生同隊長都需要克服重重困難啊！現時香港每年大概有兩萬人因心臟衰竭而需要入院甚至死亡，所以如果你或者身邊人出現呼吸困難、極度疲倦或腳踝腫脹等病徵，記得要及早檢查，盡早發現同治療！

下一集將會更精彩，難度升級！想知邊隊會成為最終勝出者，就記得密切留意喇！

#心臟衰竭 #醫戰 #心臟歷奇大對決 #香港心臟專科學院 #HKCC #梁達智醫生 #蔣志成醫生 #賴俊光醫生 #劉天樺醫生 #饒元豐醫生 #陳良貴醫生 #陳梓浩醫生 #鄭裕康醫生 #黎思華醫生 #譚廣明醫生 #梁嘉琪 #沙律 #Renee